Periusissiaq 2025
2025-mut anguniakkavut
1. Ataatsimooqatigiiffiit ineriartorfiusut amerlanerit
Meeqqat, inuusuttut ilaqutaasalu ataatsimooqatigiiffinnut inerikkiartorfiusunut peqataasalernissaannut periarfissanik amerlanernik pilersitsiniarpugut. Kalaallit Meerartaasa suliniutaasa pingaaruteqartut ilagaat meeqqat, inuusuttut ilaqutariillu ataatsimooqatigiiffinnut pitsaasunut peqataanissaannut periarfissiinissaq. Misilittakkatta takutippaat, ataatsimooqatigiiffimmi inissaqartitaanerup kingunerisarai attaveqalerneq, toqqissisimaneq aamma periarfissanik atuillualerneq, meeqqat naleqartutut misigitittarlugit tamatumalu Kalaallit Meerartaasa ingerlassaasa avataani ataatsimooqatigiiffinnut allanut peqataanissaat ajornannginnerulersittaraa. Taamaammat kalaallit meeqqat, inuusuttut ilaqutariillu amerlanerit – Kalaallit Nunaanni Danmarkimilu – atatatsimooqatigiiffinnut nukittuunut ineriartorfiusunullu peqataanissaminnut periarfissaqassapput.
2. Meeqqat inuusuttullu sapiissuseqarnerisa iliuuseqarsinnaassusaasalu patajaallisarnissaat
Meeqqat inuusuttullu sapiissuseqarnerisa iliuuseqarsinnaassusaasalu patajaallisarniarpagut. Isumalluarfigineqarluni naaperiarneqarneq aamma pikkoriffiit sanngiiffiillu akuersaarneqarnerat, meeqqat inuusuttullu imminnut naleqartutut isiginerannik annertusaaqataasarput, aamma sapiissuseqalersitsillutillu iliuuseqarsinnaalersitsisarlutik. Taamaammat meeqqat inuusuttullu kalaallit isumalluarfigalugit naaperiartarniarpagut kissaatiminnik takorluukkaminnillu oqaasertaliinissaannik ulluinnarnilu anguniagassaliornerinik ikiorlugit, aamma imminnut naleqartunik toqqaasarnissaannut kaammattorlugit. Meeqqat inuusuttullu nukissatigut sillimmataat piginnaasaallu ersarissarneqassapput patajaallisarneqarlutillu, tassuunakkut Kalaallit Meerartaasa avataanni ataqatigiiffinnut ilaalernissaminnut sapiissuseqalerlutillu iliuuseqarsinnaaleqqullugit – nammineq kajumissuseq naapertorlugu ataatsimooqatigiiffinnut, ilinniakkanut suliffissanullu.
3. Meeqqat inuusuttullu annertunerusumik peqataatinnissaat
Meeqqat inuusuttullu peqataatinissaat qularnaarniarparput. Peqataatinneqarneq tusaaniarneqarnerlu pisinnaatitaaffiupput imminullu tatiginerup patajaallisarnissaanut aqqutaallutik. Taamaammat meeqqat ataasiakkaat peqataatinneqarlutillu tusaaniarneqarnissaat sulissutiginiarparput – tamatuma pingaaruteqarlunilu naapertuuffiisigut – assersuutigalugu kommunip sulianik suliaqarnerani aamma tamanut ammasumik oqallinnermi. Aammattaaq qularnaarumavarput Kalaallit Meerartaasa neqeroorutaanni sammisaqartitsinerinilu meeqqat inuusuttullu ataasiakkaat peqataatinneqarlutillu tusarniarneqartarnerannik periuseqarnissaq, isiginneriaasiisa pingaartinneqarnissaat, aamma tamat oqartussaaqataanerat naapertorlugu peqataanermik sungiusarnissamut periarfissinneqarnissaat. Kissaatigaarput meeqqat, inuusuttut ilaqutariillu sammisaqartitsinernik neqeroorutinillu Kalaallit Meerartaanni peqataaffigisaminnik pilersitseqataasutut piginneqataasutullu misiginissaat.
4. Ikaarsaariarfiit pitsaasut
Meeqqat inuusuttullu ikaarsaariarluartarnissaannik tapersersorniarpagut. Nalunngilarput ikaarsaariarnerit meeqqanut inuusuttunullu eqqugaaqqajaareersunut ernumanartoqarsinnaasut – assersuutigalugu nuunnermi imaluunniit meeqqat atuarfianniit inuusuttut ilinniarfiannut ikaarsaarnermi. Neqeroorutitsigut qitiutinniarparput meeqqat inuusuttullu inuunerminni ikaarsaariarfinniittut tapersersornissaat. Ilutigisaanik qitiutinniarpagut neqeroorutit sammisaqartitsinerillu meeqqat inuusuttullu inuunerminni ikaarsaarialerneranni aallarnisarneqartartussat pilersillugillu ingerlateqqinneqarnissaat.
Nutaarsiassat
