Kalaallit Meerartaanni nammineq kajumissutsimik suliassat qitiutinneqartut
Namminneq kajumissutsimikkut sulisut ullut tamaasa suliassarpassuit meeqqanut, inuusuttunut ilaqutariinnullu annertuumik pingaarutillit Kalaallit Meerartaanni isumagisarpaat. Kisianni qanoq pisariaqartitsitiginerit illoqarfimmiit illoqarfimmut nikerarput. Siunnerfeqarnerusumik sulisussarsiornikkut suliniutit naleqassusiat annertusarneqassaaq.
Namminneq kajumissutsimikkut sulisut Kalaallit Meerartaanni assigiinngitsorpassuarnik suliaqartarput, inuusuttunik – inersimasumit isumasioqateqarnissaminnik tapersersorneqarnissaminnillu pisariaqartitsisunik - sapaatip-akunneri tamaasa naapeqateqartarnermiit, meeqqanik mikinerusunik pinnguaqateqarlunilu arsaqateqartarnermut aamma nereqatigiinnerni suliassanut tigussaanerusunut. Suliassat assigiinngitsuupput, tamarmillu assigiinngitsutigut Kalaallit Meerartaanni suliniutinut suliamullu tapertaallutik.
Danmarkimi illoqarfinni tallimani assigiinngitsuni suliniuteqarpugut, namminerlu kajumissuseq naapertorlugu suliassat – pisariaqartitsinerillu - assigiinngitsuupput. Aamma namminneq kajumissutsimikkut sulisut assigiinngitsuupput. Nammineq kajumissutsikkut sulisunik ataqatigiissaarisoq Clara Petri Hansen oqaluttuarpoq:
”Namminneq kajumissutsimikkut sulisut Kalaallit Meerartaanni annertuumik naliitsumillu suliaqarput. Ilaat Kalaallit Nunaannut attuumassuteqarput allallu attuumassuteqaratik, ilaat”.
kajumissutsimikkut sulisutut tamatigoortunik suliaqartutut toqqissisimanermik pilersitseqataasuusarput ukiorpassuarnilu peqataajuarsimallutik, allat aalaakkaannginnerusumik attuumassuteqartarput.
Nammineq kajumissuseq naapertorlugu sulisut, pingaarnertut suliassap aallutarinissaanut inisaqartitsilersinnaasarput
Kalaallit Meerartaanni nammineq kajumissuseq naapertorlugu sulineq tassaassaaq misigisaq nuannersoq isumaqarluartorlu. Tamanna pingaartipparput, aamma sumiiffinni ataasiakkaani suliassanik isumaginnittussanik namminneq kajumissutsimikkut sulisussanik pissarsiornissaq aqqutissiuuttuartariaqarparput. Suliassat ilaanni aalajangersimasuusinnaapput. Clara oqaluttuarpoq:
”Assersuutigalugu Esbjergimi Aalborgimilu pisariaqartippagut sapaatip-akunnerata naanerani meeqqat, inuusuttut ilaqutariillu angalaaqatigiittarnerinut atasumik pisiniarlutillu nerisassiorsinnaasut. Taama aaqqissuussinerit tassaapput tigussaanerusunik amerlaqisunik suliassaqarfiusut, suliniutinilu taamaattuni atorfeqartitatta pisariaqartippaat ikiorneqarnissartik, perorsaanikkut suliatik pitsaasumik ingerlassinnaajumallugit. Uanga suliassarivara sulisut peqatigalugit perorsaanikkut sulianik piviusunngortitsinissaq, nukissat sapinngisamik amerlanerpaat meeqqat, inuusuttut ilaqutariillu pitsaanerpaamik suliniuteqarfiginissaannut atorneqarsinnaqqullugit”.
Margeir meeqqat ilaqutariillu qasuersaarfissaqarnissaannut ammaasseqataavoq
Nammineq kajumissutsikkut sulisutut pingaartuuvoq naleqarluartutut misigisanik suliaqarnissaq, soorunami meeqqanut naleqarluartutut – aammali imminermut, Clara nassuiaavoq. Tamatumanilu Margeir J.J. Hansen Esbjergimeersoq assersuutissaavoq.
Qaammammut marlussoriarluni Margeir-ip timersortarfik ammartarpaa, Esbjergimi Kalaallit Meerartaanni meeqqanik ilaqutariinnillu arsarnissamut ataatsimooqatigiinnissamullu qaaqqusilluni.
”Uanga nammineq siusinnerusukkut Savalimmiut landsholdianni arsartartuunikuuvunga, nuannaarutigivaralu meeqqat pinnguarlutillu arsarnermik nuannarisaqalernissaannut periarfississinnaagakkit. Kalaallit Meerartaannit arsat ketcherillu pisiarinikuuagut, ilaqutariillu namminneq sutugassanik nassartarput, taamaalillutalu nalunaaquttap akunnialunni nuannisaqatigiittarpugut,” Margeir oqaluttuarpoq.
Margeir-p nammineq kajumissutsimigut sulinera nammineq soqutigisaanit aallaaveqarpoq, tamannalu nammineq kajumissuseq naapertorlugu suliaqarluarnissamut tunngavissatsialaasinnaasarpoq. Taamaalilluni Margeir – Esbjergimi Kalaallit Meerartaanni sulisoq peqatigalugu – sammisassamik imminut aamma meeqqanut ilaqutariinnullu naleqarluartumik nassaarsimavoq. Esbjergimi Kalaallit Meerartaanniit arsat ketcherillu pisiarineqarput, kisianni Margeir nammineq ingerlatsinissanik pilersaarusiorlunilu ataqatigiissaarisarpoq.
Tamanna tassaavoq Kalaallit Meerartaanni nammineq kajumissuseq naapertorlugu suliap qanoq ittuusinnaaneranut assersuutissatsialak. Inerneriivaa meeqqanut ilaqutariinnullu naleqarluartumik sunniuteqarnera, tamannalu tassaavoq suliat tamarmik siunertaat,” Clara naggasiivoq.
