Kalaallit inuusuttut inuunerinnerulernissaannik pilersitsinermut peqataarusuppit?

Kalaallit Meerartaani inuusuttut naapittarpagut, ajorsartitaasutut misigisimanermik sunnerteqqasut, misigisimasullu sunniuteqarsinnaanngitsutut. Kiserliorneq ajornartorsiutigisinnaasarpaat, inoqatinullu attaveqarniarneq ajornartissinnaasarlugu kiisalu inuunermi tigussaasunik sulineq. Inuusuttut taakkua immikkut isiginiarpagut nalunnginnatsigu inuusuttuunerup nalaani ataavartumik tapersersorneqarneq pingaaruteqarsinnaasartoq, taannarpiaasinnaasarlunilu innusuttup uppinnissaanut pinngitsoortitsisartoq, akerlianillu inersimasunngornissamut sapissuseqalersitsisartoq.

Inuusuttumut kajumissutsit aallaavigalugu tapersersortaarusuppit?

Inuusuttunut suliniuteqarnitsinni neqeroorutigisarparput peqatit peqatigalugit ataatsimoorneq, kiisalu inersimasut peqataasarput tapersersuisutut kiisalu unammilligassiisarlutik inuusuttut ineriartuutigisinnaasaannik, - suliniutitsinnili arlalinni kajumissutsitik aallaavigalugit tapersersuisinnaasunik amingaateqarpugut.

Kajumissuseq aallaavigalugu suliassat assigiinngilaarsinnaapput. Suluk-mi ilitsersuisunik pisariaqartitsivugut. Sunngiffinni piffissamik atuilaarusuppit inuusuttumik peqateqarlutit? Uani Suluk-mi kajumissuseq aallaavigalugu sulineq pillugu atuaruk

Siammartoq-mi kajumissuseq aallaavigalugu weekendini aallaaqataasinnaasunik pisariaqartitsivugut, kajumissuseq aallaavigalugu sulisumi imaluunniit kajumissuseq aallaavigalugu perorsaasumik. Uani Siammartoq-mi kajumissuseq aallaavigalugu sulineq pillugu atuaruk