Kalaallit Meerartaat UNICEF-ip meeqqanut tunngatillugu nersornaasiuttagaanik nersornaasigassatut innersuunneqarpoq
Nersornaasigassatut innersuussineq pillugu UNICEF allappoq:
KALAALLIT MEERARTAANNIK NERSORNAASIGASSATUT INNERSUUSSINEQ
2025-mi Kalaallit Nunaat immikkut isiginiarneqarpoq. Kalaallit Meerataasa nersornaasigassatut innersuunnerisigut, ukiorpassuarni meeqqanik inuusuttunillu kalaallinik sullissinerat akuersaarlugu nersualaarparput.
Peqatigiiffik ullumi suliniutinik assiginngitsunik qulingiluanik ingerlatsivoq, inuillu namminneq kajumissusertik naapertorlugu sulisut 100-ngajaat sulisoralugit. Kalaallit Meerartaat Kalaallit Nunaanni illoqarfinni nunaqarfinnilu tamani suliaqarput taamatullu Københavnimi, Aarhusimi, Aalborgimi, Esbjergimi Vejle-milu. Ukiut tamaasa Kalaallit Meerartaat meeqqanik, inuusuttunik ilaqutariinnillu 1.000-inik amerlanerusunik anguniagaqarluartunik sammisaqartitsisarnermikkut sullissisarput.
Suliniutit assigiinngisitaarluarput, tamatumanilu meeqqat inuusuttullu 0-imiit 25-nut ukiuillit saaffigineqartarput. Sulinutinut tamanut atuuppoq, sivisuumik atasussamik ingerlallualersitsisarnerat, ataatsimooqatigiiffinnik patajaallisaasarnerat meeqqanillu pitsaanerusunik siunissami periarfissaqalersitsisarnerat. Kalaallit Meerartaat annermik nersualaartariaqarput meeqqat pisinnaatitaaffii pillugit ilisimasanik annertusaanertik, ingerlallalluarnermik pilersitsisarnertik aamma meeqqanik inuusuttunillu inuiaqatigiinni sanngiillutik inissisimasunik attaveqarluarnermik misigititsisarnertik pillugit.
Tamakku saniatigut Kalaallit Nunaanni Meeqqanik Sullisseqatigiiffimmi peqataalluarlutik suleqataapput, UNICEF, MIO, Nanu Børn, Inua – Kalaallit Røde Korsiat, Inooqat, Sorlak, Kalaallit Nunaanni Meeqqat Ikiortigit aamma Meeqqat Inuunerissut peqatigalugit.
Taasisinnaavutit uani
UNICEF-ip Meeqqanut tunngatillugu nersornaasiuttagaa 2015-imiilli Meeqqat Ulluanni tunniunneqartarpoq, ullorlu taanna Danmarkimi UNICEF-ip ukiut tamaasa nalliussisarpaa Meeqqat pillugit isumaqatigiissutip ”inuuiani”, tassalu 20. november. Nersornaasiinikkut makkua nersorumaneqartarput:
Suliniutit meeqqat pisinnaatitaaffiinik qitiutitsisut aamma inuit sulilluartut suliaqarfiillu meeqqat pisinnaatitaaffiinut ingerlalluarnissaannullu tunngatillugu allanngueqataasut akuersaarlugit nersualaarnissaat.
Suliniutit meeqqani allannguillunilu neriuuteqarsitsisumik iliuuseqarnissamut suliniuteqarnissamullu kaammattuiffiusut.
Suliniutit Danmarkimi nunarsuarlu tamakkerlugu meeqqat atugarisaannik takussaasunngortitsisut aamma meeqqat nipaasa tusaaneqarnissaannik pingaartitsisut.