Inuunerup sinnerani eqqaamasassanik pilersitsigit
Nammineq kajumissutsimik sulisunngorit
Nammineq kajumissuseq naapertorlugu sulisutut, meeqqat, inuusuttut ilaqutariillu Kalaallit Meerartaasa sammisaqartitsinerinut peqataasartut qanimut attavigilissavatit. Nuannersunik pinnguartitsinissamut sammisaqartitsinissamullu, aalajangernissat artornartut, angerlarserneq, kulturikkut assigiinngissutsit apeqqutillu pingaarutillit allat pillugit oqaloqatiginninnernut peqataanissanut piareersarneqassaatit.
Nammineq kajumissutsit naapertorlugu sulisuuguit aammattaaq akeqanngitsumik peqatigiiffimmut ilaasortanngussaatit.
Nammineq kajumissuseq naapertorlugu sulisuussagaanni suut piumasaqaataappat?
Kalaallit Meerartaanni nammineq kajumissuseq naapertorlugu sulisutut, assigiinngitsorpassuarnik suliaqarlutit ikiuussinnaavutit. Sunaluunniit suliassaagaluarpat isumagissavarput, allanik peqateqarluni ataatsimooqatigiiffimmut ilaanissap qitiutinnissaat.
Assersuutigalugu ima ikiuussinnaavutit:
Sassaalliivimmi nalunaaquttap akunnialunnguani ikiuullutit
Meeqqanik inuusuttunilluunniit sapaatip-akunnikkaartumik naapeqateqarlutit
Sapaatip-akunnerata naanera tamaat katerisimaarnernut tammaarsimaarnernulluunniit peqataallutit
Ilaasortanngortit
Kalaallit Meerartaannut ilaasortatut suliatta sammivissaanik aalajangersaaqataassaatit.
Ukiumoortumik ataatsimiinnitsinnut ataatsimeersuarnermullu aggersarneqartassaatit, taakkunani kattuffimmit tamarmit ilaasortat naapeqatigiittarput, meeqqat inuusuttullu kalaallit periarfissaat pillugit sulianut tunngatillugu oqalugiaatit oqallinnerillu itisileriffiusumik sammisarlugit.
Ilaasortaassagaanni suut piumasaqaataappat?
Ilaasortat peqatigiiffiup ingerlassaanut peqataasarnissaat piumasaqaataanngilaq – naak soorunami ilaasortatta ilisarilluarnissaat tamatigut qujaruttaraluaqalutigu.
Ilaasortaanermut akiliutit assigiinngillat.
Naliginnaasumik ilaasortaaneq: 300 kr. (450 kr. aappariinnut)
Ilinniartut/inuusuttut 25-t ataallugit ukiullit: 200 kr.
Pensionistit: 250 kr. (350 kr.aappariinnut)
“Akunnerit nammineq kajumissutsinnik sulinermut atortakkakka inuuninni sinnilimik nukissaqalersitsisuupput. Isumaqarpunga tamatumunnga pissutaasoq meeqqat aamma Kalaallit Nunaata uummatinnut qanittuunerat, misigisinnaagakkulu tamakkiisumik tamaasa akuuffigalugit.”
— Berna, 36-nik ukiulik, Randersimi Café Nuan-imi nammineq kajumissutsiminik sulisoq
Nutaarsiassat
