Kalaallit Meerartaanni kiinnat nutaat
Kalaallit Meerartaanni piffissaq kingulleq arlalinnik nutaanik suleqatitaarsimavugut. Nangeqattaartumik saqqummertartumi Kalaallit Meerartaanni kiinnat nutaat-mik taaguusikkatsinni tamaasa apeqqutinik assigiinnik apersortarsimavagut. Københavnimi allaffeqarfitsinni Marie Jensen Suersaq ilinniarnertuutut ikiortitut atorfinippoq.
Sooq Kalaallit Meerartaanni atorfik qinnutigiviuk?
Qinnuteqarsimavunga Kalaallit Nunaannut tunngasunik suliaqarnissara soqutigisarigakku. Kiisalu atorfimmut qinnuteqarpunga NGO-mi suliffigalugu misilinnikuunngisanni sulinissara soqutigigakku.
Suut misilittakkat, suliffiit suliassalluunniit suliarinikuusatit Kalaallit Meerartaanni suliffittaarni atorsinnaavigit?
Siusinnerusukkut ilinniarnertuutut ikiortitut Siumut Folketingimut-mi ukiuni marlussunni sulinikuuvunga, kingornatigullu Grønlands Mission EU-mut Bruxelles-imi ukiup affaani ilinniarninnut atatillugu sulinikuullunga. Taakkua avataasigut Kalaallit Nunaani avannaamiuuvunga, taamaalillungalu nunannik ilisimasarissaarlunga maannakkut suliffigilikkanni atorsinnaasannik.
Atorfittaarni suut suliassatit pingaarnerpaappat?
Suliassakka pingaarnerit tassaassapput mailerput pingaarneq alakkartassallugu, aningaasaqarnermut ikiuuttassallunga, aningaasanik qinnuteqarnermut kiisalu nittartakkatsinnut. Suliassakka ilaatigut tamatigoortuussapput, suliassaaleqinavianngilangalu.
Suna suliartoraangavit qiimmassaatigisarpiuk?
Ilisimasanik nutaanik ullut tamaasa pissarsisarnera, suliassama tamatigoortuuneri kiisalu pikkorissunik ilisimasaqarluartunik kalaallit meerartaannik inuusuttaannillu ikiuerusussuseqartunik avatangiiseqarnera.
Suna Kalaallit Meerartaanni suliassatut qilanaarinerpaaviuk?
Nuannarinerpaajuarpara suliagut iluatsikkaangata – takullugit meeqqat ilaqutariillu kalaallit suliatsinnik iluarisimaarinnittut.
…suna unamminarnerpaassava?
Unamminarnerpaaq tassaassangatippara suliassannut pulaniarnissara, suna qanoq iliorlungalu suliarisassanerlugu, kina sumillu attavigisassanerlugu – kisianni piffissap ingerlanerani ilikkassaqqaarpara.
Kalaallit Nunaanni sapaassuaq imaluunniit nalliussineq sorleq nuannarinerpaaviuk?
Sapaassuarni nuannarinerpaavara juulli, nuannaaqatigiinneq nerisassanik mamartunik, juullip ulloriaanik aappaluartumik, juullisiutinik apummillu naammattumik imaqartoq. 21.-ani ullorsiorneq aamma nuannarivara, ulloq nerisassanik mamartunik nipilersornernillu imaqartarmat – aammattaarli seqernup nueqqqaarnerata nalliussisarnera.