’Uagut’-mut peqataaneq imaappoq

’Uagut’ kingullermik Aalborgimi katerisimaartitsimmat, KNR-ip suleqatigiit pisortaat Sara Johansen videoliortipaa. Videoliaalu KNR-TV-kut aallakaatinneqarpoq.

Sara Johansen namminersortuulluni ilaqutariinnik siunnersuisartuuvoq, aammalu ’Uagut’-mi suleqatigiinnut pisortaalluni, taannalu tassaavoq Kalaallit Meerartaasa inuusuttunut suliniutaat. “Suliara assut oqaluttuarerusuppara, minnerunngitsumillu  inuusuttut ’Uagut’-mi peqataaneq pillugu oqaluttuarterusullugit”, Sara oqaluttuarpoq. Taamaammat KNR-mi tusagassiortup videolioqqummani akuersivoq.

“’Uagut’-mi inuusuttut kalaallit naapeqatigiittarput, tassanilu ilinniarlugit imminut tatigineq, imminut naleqartinneq siunissarlu,” assilineqarnermini taama oqarpoq Jonarsinnguaq, nangillunilu: “Inuuusutut ilaasa ajornakusoortittarpaat oqalunnissaq, ammarnissaq inuillu toqqarlugit qiviarnissaat. ’Uagut’-mi katerisimaarnitsinni tamatuma allanngornera misigivarput. Niviarsiaqqat ilaat ammariasaarpoq suullu tamaasa saperunnaarlugit”.

Inga Qaanaami inunngorpoq maannalu Herningimi najugaqarluni. Inuk Nanortalimmi inunngorpoq maannalu Aalborgimi najugaqarluni. Tamarmik isumaqarput ’Uagut’-mi pineqartoq tassaasoq ataatsimoorneq.

’Uagut’  kalaallinut inuusuttunut ingerlatsineruvoq, ingerlatsineq Kalaallit Meerartaannit Børnehjælpsdagen suleqatigalugu aallartinneqartoq. ’Uagut’-mi inuusuttut tapersersorneqartarput kissaatiminnik takorluukkaminnillu oqaasertaliinissaannut imminnullu anguniagassaliuunnissaannut, kaammattorneqartarpullu imminnut naleqartunik toqqaanissaannut. ’UAGUT’ Børnehjælpsdagenip suliniutaata EMPOWER4U > DRØMMEJOB-ip ingerlateqqinnerivaa, inuusuttullu angerlarsimaffimmik avataanut inissitat siusinnerusukkullu inissitaasimasut sunniuteqarluartumik inuunermik piginnaaneqalersittarlugit aamma ilinniagaqarnissamut suliffeqalernissamullu aqqutissiuuttarlugit.

’Uagut’ Danmarkimi Isumaginninnermut Aqutsisoqarfiup ataani immikkoortitanik aningaasalersorneqarpoq.

KNR-TV-kut aallakaatitaaq tamaat ataani takuuk.