Kalaallit Meerartaanni ukiumoortumik ataatsimiinneq – ullorsiutinni nalunaqutseruk
Peqatigiiffik Kalaallit Meerataannut ilaasortat sulinitsinnik sammivileeqataasarput – annermillu avatangiiserisatsinnut takutitseqataasarlutik kalaallit meeqqat inuusuttullu toqqissisimasumik meeraallutillu pitsaasumik siunissaqartariaqarnerannik.
Kalaallit Meerartaanni suliat paasisaqarfigerusuppigit – imaluunniit ilaasortanngornissat eqqarsaatigaajuk? Taamaappat Kalaallit Meerartaanni ukiumoortumik ataatsimiinnissaq ullorsiutinni nalunaaqutseruk, tassalu sisamanngorneq 25. maj Kalaallit Nunaanni nal. 15 / Danmarkimi nal. 19. Ukiumoortumik ataatsimiinneq internetikkut Teams aqqutigalugu ingerlanneqassaaq.
Ukiumoortumik ataatsimiinnermi Bonnie Jensen Ilisimatusarfimmeersoq saqqummiissaaq, Kalaallit Nunaanni meeqqanik angerlarsimaffiup avataanut inissiisarnerit oqaluttuaralugit, tamatumunnga ilanngullugit qanigisanut inissiisarnerit, tassalu meeqqat piffissami sivikinnerusumi sivisunerusumiluunniit ilaquttaminni najugaqartarnerat. Tamatuma kingorna siulittaasoq Thomas Tyt Mogensen 2022-mi suliagut pillugit ukiumoortumik nalunaarusiamik saqqummiissaaq 2023-milu pilersaarutigut saqqummiutissallugit. 2022-mi ukiumoortumik naatsorsuutit ukiumoortumik ataatsimiinnermi saqqummiunneqassapput peqataasunillu akuersissutigineqarlutik. Ukiup tulliani ilaasortaanermut akiliutissaq aalajangiunneqassaaq. Kiisalu siulersuisussanik qinersisoqassalluni.
Pisarnertut ilaasortanit siunnersuutit oqallisiginissaat periarfissaqassaaq, siunnersuuteqarnissamullu tikilluaqqusaavutit. Taamaattoq taamaallaat ilaasortat minnerpaamik qaammatini pingasuni ilaasortaasimasut taasisinnaatitaapput. Ilaasortat tamarmik ataatsimik taasisinnaatitaapput. Inummik allamik pisinnaatitsilluni taasisoqarsinnaavoq. Ilaasortaq ataaseq annerpaamik inunnit allanit marlunnit pisinnaatitsissusigaasinnaavoq.
Peqataaniarluni nalunaarfissap killissaata kingorna ullormi oqaluuserisassat inaarutaasut, ukiumoortumik naatsorsuutit, ilanngussat allat aamma ataatsimiinnissamut linki mailikkut nassiunneqassapput.
Ukiumoortumik ataatsimiinnissamut peqataaniarlutit nalunaarit kingusinnerpaamik ataasinngornermi 8. maj 2023 emailikkut: fgb@fgb.dk imaluunniit oqarasuaatikkut: +45 3585 8330.
Ukiumoortumik ataatsimiinneq internetikkoorlugu ingerlanneqassaaq, taamaammallu Kalaallit Nunaanni Danmarkimiluunniit najugaqarnerit apeqqutaatinnagu peqataanissamut periarfissaqarputit. Angerlarsimaffinnit internetikkut peqataanissamut periarfissaqanngikkuit, Nuummi Københavnimilu allattoqarfitsinni qarasaasiamik atuisinnaavutit. Periarfissaq taanna atorniarukku, mailikkut attavigitigut: fgb@fgb.dk sianerfigalutaluunniit: +45 3585 8330.
Ullormut oqaluuserisassanut siunnersuutissaqaruit Peqatigiiffik Kalaallit Meerartaannut nassiuteriissavatit kingusinnerpaamik ataasinngornermi 8. maj 2023. Siunnersuutiginiakkat uunga nassiussinnaavat: fgb@fgb.dk.
Takuss…