Kalaallit Meerartaat suliniutinut suleqatissaminik ujarlerpoq
Kalaallit Meerartaat suleqatigiinnut suleqataasussamik, meeqqat pisinnaatitaaffiinik soqutiginnittumik, ujarlerpoq
Kalaallit/qallunaat suleqatigiiffigaatigut naalakkersuisutiguunngitsoq (NGO), anguniagaralugu kalaallit meerartaat tamarmik toqqissisimasumik peroriartornissaat.
Nuummi suleqatigiiffeqarpugut tassaasut suleqatigiit marluk allaffimmilu pisortaq. Taakkua avataatigut Danmarkimi sumiiffinni assigiinngitsuni 25-inik suleqateqarpugut.
Ulluinnarni assigiinngitsorpassuarnik suliaqartarpugut, eqqumaffigilluarparpulli suleqatitta toqqissisimanissaat.
Suleqatissarsiorpugut suleqatigiinni ikittunnguani assigiinngeqisunik suliaqartuni.
Pingaarnerpaamik suliarisussaassavat meeqqanik ikorfartuisuni Najorti-miinneq, akisussaaffigissallugu ikorfartuisussanik ilinniartitsineq, ikorfartuinernut ataqatigiissaarissallutit meeqqap/inuusuttup ikorfartuisullu akornanni kiisalu qulakkiissallugu suliamik malinnaaneq suliallu ingerlaavarnissaat. Meeqqat, inuusuttut sullissisullu attaveqarfigisussaassavatit, taamaammat marlunnik oqaaseqarnissat iluaqutaassalluni. Taakkua avataasigut naatsorsuutigisinnaavat suliniutinut allanut suleqataanissat kiisalu suliassanut sunulluunniit peqataanissat. Suliffiup pisariaqartippaa namminersorsinnaalluartuunissaq assigiinngitsunullu suliassanut saaqattaarnissamut piareersimanissaq.
Suliassatit ukua iluanniissapput:
Ingerlareertunik ataqatigiissaarineq
Ikorfertuisussanik ilinniartitsineq
Sullissisunik suleqatigiisitsineq
Ikorfertuinermi allaffimmiutut suliassanik sulineq
Sulianik nangitsineq
Naleqqussaaneq/ineriartortitsineq qulaani suliassanut tunngasunik
Najortimi suliassanut pisortaq qanimut suleqatigisussaassavat. Sulineq sapaatip akunneranut 40 tiimiuvoq, Nuummilu allaffeqarfimmi, Nuukullak 2, 002-mi atorfinitsinneqassallutit. Allaffiup pisortaa qaninnerpaatut pisortarissavat.
Suna ujartorparput?
Suleqat sullarissoq ataatsimut isiginnissinnaasoq ujartorparput. Inuit amerlasuut saavanniisinnaanissat toqqissisimaffigissavat qiimasuullutillu.
Taassuma avataatigut suleqatit ukuninnga piginnaasallit ujartorpagut:
Socialrådgiveri, ilinniartitsisoq imaluunniit taakkununnga assingusumik ilinniagalik
Suliniutinik misilittagaqarneq iluaqutaassaaq
Marlunnik oqaaseqarneq kalaallisut/qallunaatut
Sullarissuunissaq kiisalu ataatsimut isigisinnaasoq
Nassuiaalluarneqarlutillu suliatsinnut ilinniartinneqassaatit, kisianni pingaaruteqarpoq namminersorsinnaanissat, siulliullutit iliuuseqarsinnaassuseqassaatit kiisalu sulilluarnissamut kajumissuseqarlutit.
Ilimagisariaqassavat ilinniartitsinernut allanullu atatillugu angalasarsinnaassagavit. Atorfimmut inimik tunisisoqarsinnaanngilaq.
Aallartinnissaq isumaqatigiissutigineqassaaq, ajornanngippalli piaartumik. Piginnaasat malillugit akissarsiaqassaatit.
Qulaani atuagarnut soqutiginnilersimaguit sapersaatiginagulu suleqatigiinnullu tunniusimasunut ilaanissat, qilanaaraarput qinnuteqaativit tingunissaa!
Qinnuteqarfissaq kingulleq: 6. oktober
Suliatsinnik annertunerusumik paasisaqarusukkuit nittartagarput www.fgb.dk pulaarsinnaavat imaluunniit allaffeqarfiup pisortaa Julie Lynge mailikkut attavigalugu ugguuna jl@fgb.dk