Kalaallit Meerartaanni kiinnat nutaat
Kalaallit Meerartaanni Nuummi Københavnimilu suleqateqarpugut – Danmarkimilu illoqarfinni arlalinni. Esben Hornum-Scherrebeck Aarhusimi meeqqanut ilaqutariinnullu siunnersuisutut atorfineqqammerpoq.
“Meeqqanut inuusuttunullu attaveqarneq pilersissallugu suliassatut annertuutut pingaarutilittullu isigaara, neriuutigalugu inuunermut ajunngitsumik aqqutissiuussinnaassallugit. r story online can make all the difference”.
Sooq Kalaallit Meerartaanni atorfik qinnuteqaatigiviuk?
Kalaallit Meerartaanni suliffik qinnutigivara, inuit assigiinngitsunik kulturikkut tunuliaqutallit sullillugit iluarigakku. Meeqqanut inuusuttunullu attaveqarneq pilersissallugu suliassatut annertuutut pingaarutilittullu isigaara, neriuutigalugu inuunermut ajunngitsumik aqqutissiuussinnaassallugit. 2015-imi inersimasut qallunaatut pikkorissartinnikuuakka Sisimiuni oqaatsinik pikkorissarfimmi. Inuiaat kalaallit minnerunngitsumillu pinngortitarsuaq – inuttut sulianullu tunngatillugu - misigalugit pikkunaqaaq.
Suut misilittakkat, suliffiit imaluunniit suliassat siusinnerusukkut nalaannikuuigit, Kalaallit Meerartaanni suliffittaarninni atorsinnaasatit?
Misilittakkakka piginnaasakkalu klasselokalini atuartitsininniit perorsaanermut attaveqalersitsinermullu meeqqanut inuusuttunullu assigiinngitsunik kulturikkut tunuliaqutalinnut sullissininnit aallaaveqarpoq. Siusinnerusukkut inuiaqatigiinni ataatsimoortitsinerup iluani suliaqarnikuuvunga, ilaatigut inuusuttut ingiaqateqaratik qimaasut suliffiginikuullugit. Inunnik allanik tunuliaqutaqartunik naapitsinerup nukittussusaa paasinikuuara, nammineq ammassusinnut maniguunninnullu naleqqiullugit.
Suliffittaarni suut suliassatut pingaarnertut suliarissavigit?
Aarhusimi meeqqanut inuusuttunullu siunnersuisartutut atorfeqarpunga, suliassakkalu tassaassapput meeqqanut inuusuttunullu kiisalu angajoqqaavinut attaveqalersitsisunik suliaqarneq. Weekendini aallaarsimaarnerit, nereqatigiinnerit allallu ataatsimuualaarnerit aaqqissuuttassavakka. Kiisalu Aarhusimi ilaqutariinnut illersuisutut, tapersersuisutut aammalu siunnersortitut atorfeqassallunga.
Suut suliartoraangavit sulerusussuseqalersitsisarpat?
Inuttut inuit alapernaaffigisuuakka, inunnillu suliaqarninni sulerusussuseqarlersittarpaannga. Uannut isumaqalersitsisarpoq ilaqutariinnik nukittorsaaqataagaangama taamaalillungalu meeqqat toqqissisimanissaat inuunerissaarnissaallu tunngavileeqataaffingigaangakkit.
Kalaallit Meerartaanni sulinissarnut suna qilanaarinerpaaviuk?
Qilanaaraara pinnguarneq, illarneq ataatsimullu misigisaqarneq aqqutigalugit naapinnissaq kiisalu suleqatit, angajoqqaat meeqqallu nipituumik illaqatigisarnissaat.