Kullorsuarmi Nanortalimmilu aasarsiortitsinermit
Aasaq manna Nanortalimmi Kullorsuarmilu meeqqanut inuusuttunullu nuannisarfioqaaq. Arsartarfimmi tamaviaartarpugut, kiinnagut qalipattarlugit aamma qiortaallutalu nipititerisarluta. Sapaatip-akunnerini ingerlatsiviusuni aamma sammineqarput inuit games, pullattagalerluni qitinnerit, inuusuttut klubbianni nipilersoqatigiit tusarnaartitsineri, peqqissaasumut Tove-mut pulaarneq aamma Nanortalimmi politeeq Emil peqatigalugu innartorneq (rappelling).
Namminneq kajumissutsimikkut sulisut pikkorissut Estlandimeersut, Hong Kongimeersut, Serbiameersut, Mexicomeersut, Tjekkiameersut, Polenimeersut, Danmarkimeersut Nunatsinneersullu maanna ulluinnarni inuunerminnut utersimalerput. Taakku nalunaarusiaasa ilaat katersornikuuagut.
“Immikkut illuinnartut ilagaat, meeqqat aalajangersimasut pilersitaqarluni sivisuumik issiaqatigisinnarlugit, sulianik paarlaateqatigiilluta immitsinnut tunisarnerput. Nammattakkanniipput tajarpassuit, titartagarpassuit matuersaataasivippassuillu!”
Camp 2023-mi nammineq kajumissutsimigut sulisoq
“Meeqqat allanut ammalluinnartuupput immikkullu malunnaateqartuullutik. Oqaloqatiginissarput nuannarisaqaat – naak assigiinngitsunik oqaaseqaraluarluta”.
Camp 2023-mi nammineq kajumissutsimigut sulisoq
“Qularutissaanngilaq rundbold, arsarneq aamma høvdingebold alutorineqaqisut! Aamma isumaqarpunga sammisassat pilersitsiffiusut nassatagut meeqqanit nuannarineqaqisut”.
Camp 2023-mi nammineq kajumissutsimigut sulisoq
“Ukioq manna iluatsilluartut aammattaaq ilagaat eqqagassanik katersinerput, kikkut igitassanik amerlanerpaanik katersisinnaanerannik unammisitsigatta”.
Camp 2023-mi nammineq kajumissutsimigut sulisoq
“Meeqqat inuulluaqqulernerat artornaqaaq. Taamaappoq pissutigalugu sapaatip-akunnerpaalui atornikuugatsigit attaveqatigiilerniarnermut, tatigeqatigiilerniarnermut toqqissisimaqatigiinnissamillu pilersitsiniarnermut – taavalu immitsinnut qanillisutut misigilerluta angerlartariaqalerluta”.
Camp 2023-mi nammineq kajumissutsimigut sulisoq
