Meeqqat inuusuttullu ilungersunartumik inuunermik eqqugaaqqasut sullinnissaat soqutigisariviuk?

Aarhusimi Kalaallit Meerartaat isumaginninnermi perorsaasumik suleqatissarsiorput. 

Meeqqanik ilaqutariinnillu atugarlioqqajaasunik akuersaarluni attaveqalersitsinikkut suliaqarnissaq kajumminnartillugulu ilisimasaqarfigiviuk, aamma meeqqat inuusuttullu sullinnissaat soqutigaajuk? Taamaappat immaqa illit meeqqanut angajoqqaanullu kalaallinut pitsaaliuilluni suliniutitsinni ’Nuan’-imi suleqatissatut ujartorpatsigit.

Suliniummi ’Nuan’-imi saaffigineqarput meeqqat kalaallit Danmarkimiittut 0-imiit 16-inut ukiullit. Meeqqanut angajoqqaanullu sammisassat assigiinngitsut aqqutigalugit (meeqqanut: sapaatip-akunnerisa naanerini ataatsimooqatigiinnerit, sunngiffimmi sammisassanut peqataanerit, meeqqat ataasiakkaat tapersersorneri) aamma (angajoqqaanut: ilaqutariit ullui, angajoqqaanik siunnersuineq, anaanat katerisimaartarfiat, najukkamut qanittumi angalaqatigiinnerit), anguniagarivagut ingerlalluarnerulersitsinissaq akuunerulersitsinissarlu.

Aamma periarfissaqassaatit kalaallit 16-it qaangerlugit ukiullit sullinnerannut akuunissamut. Inuusuttunut tunngasunik assigiinngitsunik suliniuteqarpugut, inuusuttullu nalunngisatta ikaarsaariarluarnissaasa qularnaarnissaat anguniarlugu suliaqartuarluta.

Allaffipput uaniippoq: Gunnar Clausensvej Viby-mi, kisianni ingerlattakkatta ilaat Aarhusimi kalaallit illuanni ingerlanneqartarput. Ulluinnarni suleqatigiinnut pingasunik inuttalinnut ilaalissaatit namminnerlu kajumissutsimikkut sulisunik suleqateqartarlutit. Tamatuma saniatigut nunami tamarmi siammaassimasunik suleqateqassaatit. Illoqarfinni ukunani suliniuteqarpugut: København, Århus, Aalborg, Vejle aamma Esbjerg. Københavnimiipportaaq allattoqarfipput, tassanngaanniillu  nunami tamarmi meeqqanut ilaqutariinnullu suliniutigut ikorfartugaasarput. Aammattaaq Nuummi allattoqarfeqarpugut, Kalaallit Nunaanni meeqqanut ilaqutariinnullu suliniutinik suliaqartumik.

Pingaartuuvoq suliannik illit nammineerlutit pilersaarusiorsinnaallutillu illit nammineq sulininni inuunerisassavit pilersinnissaannut aallarnisaasinnaanissat. Aamma piareersimaffigisariaqarpat suliat ilaat ilaqutariit angerlarsimaffiini ingerlanneqartarsinnaammata. Suleqatitit peqatigalugit suliassat annertuut suliarisassavasi, kisianni atorfimmi pisariaqarpoq annertuumik nammineersinnaanissaq.

Ilinniit ilimagivagut:

·        meeqqanut tunngasumik ilinniagaqarnissat (perorsaasoq, ilinniartitsisoq, isumaginninnermi siunnersorti assigisaaluunniit)

·        meeqqanik angajoqqaanillu atugarlioqqajaasunik sullissinermik misilittagaqarnissat

·        meeqqanik sammisaqartitsinerit sapaatip-akunnerisa naanerini angalanerit aaqqissuunnissaannut kajungerisaqarluarlutillu misilittagaqarnissat

·         illit suliannik allaanerusunik sulialinnik kommuninillu suleqateqarnermik misilittagaqarnissat

·         perorsaanikkut suleriaatsit peqatigiiffiullu anguniagaasa ataqatigiinnerat pillugu eqqarsaatersorsinnaanissat

·        akuersaartuunissat, nammineq aallarnisaasinnaallutit pilersaarusiorluarsinnaallutillu

·        Kalaallit Nunaat kalaallillu kulturiat pillugit ilisimasaqarnissat soqutigisaqarnissalluunniit

·        namminneq kajumissutsimikkut sulisunik aqutsineq misilittagaqarfigissagit aamma/imaluunniit pitsaasumik unamminartutut tamanna isigissagit

·        ukiumut sapaatip-akunnerisa naanerini arfineq-pingasut missaanni qaammammullu unnuit marluk-pingasut sulisinnaassasutit.

Makkunannga neqeroorfigisinnaavatsigit:

·        suleqatigiit ammasut, suliaminnut sammisut piginnaasaqarluartut suliaminnullu tunniusimasut

·        suliniutinut annertuumik sunniuteqarsinnaalluni suliaq nammineerfiusoq eqqaatsumillu aaqqissuunneqarsinnaasoq,

·        suliaq meeqqat ilaqutariillu ataasiakkaat sullinnissaannut piffissaqarfiusoq

Suliassavit ilaatigut ilagissavaat:

·        sapaatip-akunnerisa naanerini angalaqatigiinnerit arfinillit-arfineq-pingasut aamma ullut ilaqutariinnik sammisaqartitsiviusut pilersaarusiorlugillu peqataaffigineri

·        meeqqat atuarnerini sunngiffimmilu sammisaqarnerini tapersersorneri

·        sumiiffinni ataasiakkaani atuarfinnik, sunngiffimmi sammisaqartitsisarfinnik peqatigiiffinnillu suleqateqarneq

·        angajoqqaanik tapersersuillunilu ilitsersuineq pisortanillu naapeqateqarnerini illersuisuuneq.

Atorfik sapaatip-akunneranut tiimini 37-ni suliffiuvoq, piffissami nikerartumi suliffiusarluni, tamatumnunnga ilanngullugit sapaatip-akunnerisa naanerini arfinilinni-arfineq-pingasuni angalaarnerit kiisalu ullut ilaqutariinnik sammisaqartitsiviusut arfinillit (nalinginnaasumik sapaatip-akunnerata naanerini imaluunniit ulluinnarni unnukkut). Tamatuma saniatigut missiliorlugu sapaatip-akunneranut ataasiarluni ualikkut unnukkullu sulisoqartassaaq. Ulloq atorfiniffissaq: 1. oktober 2023.

Qinnuteqaatip tunniutereernissaanut killiuvoq 20. august 2023 nal. 00.00. Qinnuteqaat uunga nassiunneqassaaq: job@fgb.dk. Atorfinitsitsinissamut atatillugu oqaloqatigiinnerit ingerlanneqassapput 25. august uani: Gunnar Clausens Vej 24A, 1 tv, 8260 Viby. Atorfik pillugu apeqqutissaqaruit saaffigisinnaavat: immikkoortortaqarfimmi pisortaq Jeppe Bülow Sørensen oqarasuaat: 51647003 imaluunniit meeqqanut tunngasunik siunnersorti Helle Skriver Andersen oqarasuaat: 51647002 – ulluinnarni nal. 10-15. (Tamarmik sap.ak. 28-30 sulinngiffeqassapput, kisianni 1. Augustimiit attaveqarfigineqarsinnaalissallutik.