Kalaallit Meerartaanni ukiumoortumik ataatsimiinnissamut qaaqqusissut – ullorsiutinni nalunaaqutseruk
2026-mi Kalaallit Meerartaasa ukiumoortumik ataatsimiinnissaannut aggersaavugut, taanna ingerlanneqassaaq sisamanngornermi maajip 28-ni Kalaallit Nunaanni nal. 16.00 / Danmarkimi nal. 19.00. Ukiumoortumik ataatsimiinneq internetikkut Teams aqqutigalugu ingerlanneqassaaq.
Ukiumoortumik ataatsimiinnermi oqaluuserisassat
1) Aqutsisussamik toqqaaneq. Siulersuisut siunnersuutigaat: Jane Hahn
2) Siulittaasup nalunaarutaa. 2025-mi suliat 2026-milu pilersaarutit pillugit siulittaasoq Thomas ’Tyt’ Mogensen nalunaaruteqassaaq.
3) 2025-mi naatsorsuutit akuersissutigineqarnerat kukkunersiuisoq Carsten Mønster saqqummiisoralugu
4) Kivitsisa – Kalaallit Nunaanni meeqqat atuarfiannik ilikkagassatigut pitsanngorsaaneq
Kivitsisa tassaavoq nuna tamakkerlugu kommuunit ataatsimoorlutik suleqatigiinnerat, Kalaallit Nunaanni atuartut ilikkariartornerisa qaffassarnissaannik siunertaqartoq. Suliniutip aallartinnerani atuartut tamarmik iPad-eqarnissaat internet-illu pitsanngorsarnissaa qitiutinneqarput. Tamanna atuartitsinermi pissanganartunik periarfissiivoq: Atuartut ilisimasanik katersisinnaapput pilersitsillutik siammarterillutillu, nunami namminermi nunanilu allani atuartunik suleqateqarsinnaapput, ungasianiit atuartitsinermik pilersitsisoqarsinnaavoq allarpassuarnillu. Ilinniartitsisut atuartullu periarfissanik ilinniartinneqartarput, suliniutillu nutaat ingerlaavartumik aallartinneqartarput, atuartut ilikkagassamikkut qaffassarnissaannik tapersersuisussat.
Rune Bundgaard, Kivitsisami allattoqarfimmi pisortaq, suliniutip ingerlannera, unamminartut, angusaasut siunissamullu pilersaarutit pillugit oqaluttuassaaq.
5) Ilaasortanit siunnersuutit.
6) Ukiup tulliani ilaasortaanermut akiliutissamik aalajangersaaneq
7) Siulersuisunut ilaasortassanik qinersineq. Qinigassanngortittut allassimaffiat ataatsimiinneq kingusinnerpaamik ullunik 14-inik sioqqullugu nassiunneqassaaq
8) Tamalaat
Siulersuisunut ilaasortassatut qinigassanngortitassatut ullormilu oqaluuserisassanik siunnersuutit Kalaallit Meerartaannit tiguneqareersimassapput kingusinnerpaamik ataasinngorneq 11. maj 2026. Siunnersuutitit uunga nassiutikkit: fgb@fgb.dk.
Taasisinnaatitaasut. Taasisinnaavutit ilaasortaaguit, minnerpaamillu qaammatini pingasuni ilaasortaasimallutit. Ilaasortat tamarmik ataatsimik taasisinnaatitaapput. Pisinnaatitsinikkut taasisoqarsinnaavoq. Ilaasortanik annerpaamik ilaasortanit allanit marlunnit pisinnaatinneqarsinnaavoq.
Nalunaarfissaq kingulleq: ataasinngorneq 11. maj 2025 emailikkut: fgb@fgb.dk imaluunniit oqarasuaatikkut: +45 3585 8330.
Oqaluuserisassat inaarutaasut, ukiumoortumik naatsorsuutit, ilanngussat allat ukiumoortumillu ataatsimiinnissamut linki peqataaniarluni kingusinnerpaamik nalunaarfissap kingorna emailikkut nassiunneqassapput.
Ukiumoortumik ataatsimiinneq internetikkut ingerlanneqassaaq, taamaammat Kalaallit Nunaanni Danmarkimiluunniit najugaqartut tamarmik peqataasinnaapput. Angerlarsimaffimminniit internetikkut peqataasinnaanngikkuit Nuummi Københavnimilu allattoqarfitsinni qarasaasiamik atuinissannut periarfississinnaavatsigit. Periarfissaq taanna atorniarukku attavigitigut emailikkut: fgb@fgb.dk oqarasuaatikkulluunniit: +45 3585 8330.
Takuss…