Siammartoq – kalaallit inuusuttut ilikkagaqarfiat ataatsimooqatigiiffiallu

’Siammartoq’ tassaavoq ineriartuutaasumik ataatsimooqatigiiffik – inuusuttup inuunermini killiffiani pingaaruteqartumi

’Siammartoq’ ataatsimooqatigiiffiuvoq ineriartorfiusoq aamma inuusuuttut kalaallit 18-26-nik ukiullit inuunerminnilu killiffimminni aporfeqaqqajaasinnaasut ukiuni marlunni ilinniarnissaannik aaqqissuussinerusoq. Inuusutut ingerlatsinerminni sapaatip-akunnerata naanerini arfineq-pingasuni ilinniarlutik naapeqatigiittarput. Tamatumani ilaatigut pingaartinneqartarput suleqatigiinneq, inuunermi piginnaanngorsarnissaq aamma kalaallit kulturiata nakuussutisai. ’Siammartup’ siunertaraa inuusuttut ataasiakkaat sapiissuseqalersinnissaat, iliuseqarsinnaalernissaat imminnullu upperilernissaat – aamma inuusuttut ilinniagaqalernissamut suliffeqalernissamulluunniit tapersersornissaat.  

”Siammartoqanngitsuuppat perorsaasunngorniarnissara isumassaqartissimanavianngikkaluarpara. Ukiup aappaa affaq ’Siammartoq’ inuuninni tassaavoq aalaakkaasoq; annertuumik tapersersugaavunga. Ilannit ikorfartorneqarlungalu tapersersugaanikkut imminut naleqartilerpunga imminullu upperilerlunga.”

Siusinnerusukkut ilinniartitsilluni ingerlatsinerni inuusuttoq peqataasoq.

S

Siammartumi unamminartut inuusuttut atugarlioqqajaasut Danmarkimilu najugallit arlallit nalinginnaasumik nalaattagaannut naleqqussagaavoq. Ilutigisaanik ilinniartitsinermi pingaartinneqarput inooqatigiissutsikkut, kulturikkut ilinniagaqarniarnermilu inuusuttut kalaallit akimmiffittut misigisartagaasa isiginiarnissaat, ilinniakkamillu aallartitsillunilu ingerlatsiinnarnissamut annertuumik immikkut akimmiffiusartut. Tamatumani pineqarput oqaatsitigut piginnaasat, inooqatigiissutsikkut kulturikkullu piginnaasat – minnerunngitsumillu pineqarput nammineq pisinnaassutsip upperinnginera, annermik Danmarkimi nalinginnaasutut inuttut ilimagisaqarfigineqannginnermik sakkortusitinneqartartut.

’Siammartoq’ Den A.P. Møllerske Støttefond-imit tapiiffigineqarpoq.

Annertunerusumik paasisaqarusukkuit

Attavigiuk: Malene Bruun Jeppesen emailikkut: mbj@fgb.dk // oqarasuaatikkut: +45 5146 0344

imaluunniit

Jeanne Funch Asmussen emailikkut: jfa@fgb.dk //oqarasuaatikkut: +45 2920 90855 2920 9085