Kalaallit kulturiat pillugu amerlanerusut ilisimasaqarnissaat pisariaqarpoq
2023-p qiterpaarneraniit suliniut ’Suliamik suliaqarneq patajaannerusoq’ ingerlapparput. Suliamik suliaqartut sulisullu allat 1.000-ingajaat kalaallinik meeqqanik, inuusuttunik ilaqutariinnillu sullissisartut kalaallit kulturiat pillugu pikkorissarneqarput. Maanna suliniut ingerlaqqissaaq inuillu saaffigisat amerlineqassallutik.
2024-miit sulianik suliaqartut sulisullu allat sulinerminni kalaallinik meeqqanik, inuusuttunik ilaqutariinnillu naapitaqartartut ulluni aalajangersimasunik qulequtsiillutik sammisaqarfiini sulisulluunniit ataatsimiinnerini 33-ni saqqummiiffiginikuuagut. Suliniummut piffissaliussami nutaami, tassalu 2026-28-mi inuit saaffigineqartut amerlissavagut, angajoqqaarsiaasartut ilanngullugit, ilaatigut kalaallit kulturiat ilaqutariittullu inuuneq pillugit saqqummiivigineqartussanngorlugit.
2024-miit sulianik suliaqartut sulisullu allat sulinerminni kalaallinik meeqqanik, inuusuttunik ilaqutariinnillu naapitaqartartut ulluni aalajangersimasunik qulequtsiillutik sammisaqarfiini sulisulluunniit ataatsimiinnerini 33-ni saqqummiiffiginikuuagut.
Suliniummi ataqatigiissaarisoq Ivalo Parbst inunnut suli amerlanerusunut siammaassinissaq pillugu qilanaarpoq:
“Angajoqqaarsiaasartut saaffiginissaat pingaartuuvoq. Meeqqamut kalaallimut angajoqqaarsiatut, kalaallit kulturiat oqaluttuarisaanerallu pillugit ilisimasaqarnissaq pingaartuuvoq. Tamanna meeqqap kinaassusianik paasinninnissamut pingaartuuvoq, taamatullu meeqqap angajoqqaavisalu suleqatigilluarnissaannut pingaartuulluni.”
Assigiinngissutsit takujuminarnerulersarnerat
Suliniummit ’Sulianik suliaqarneq patajaannerusumit’ misilittakkat VIVE-mit (Det Nationale Forsknings- og Analysecenter for Velfærd) katersorneqartut naapertorlugit, sulisut misiginikuuaat paasititsiniaanerit kingunerisaannik ilaqutariit nukissarisaannik unamminartitaannillu paasinninnerusinnaalerlutik. Ilutigisaanillu paasilluarnerulersimavaat meeqqat kalaallit qallunaallu ingerlanerliornerinut ersiutaasartut assigiinngissuteqarsinnaasut.
”Kalaallit meeqqat angajoqqaallu pissusilersuutaasa ilaat ingerlanerliornertut nalilerneqarsinnaapput, naak Kalaallit Nunaanni pissusilersornertut naliginnaalluinnartutut isigineqaraluartut. Tamatuma eqqumaffiginissaa uannut pitsaasuuvoq – assersuutigalugu nipaakkunik matoqqasuullutilluunniit imaanngilaq ingerlanerlioramik taamaattut, taakkununngali nalinginnaalluinnartuusinnaalluni.”
Suliamik suliaqartoq, ullormi aalajangersimasumik sammisaqafiusumi peqataasoq