Inersimasutut inuunermut qularani alloriarneq

Pitsaasunik ilimagisaqarneq iliuuseqarsinnaassuseqalersitsisarpoq

Inuusuttutut inuuneq inuusuttorpassuarnut ikaarsaariarneruvoq ajornakusoortoq, kalaallinullu inuusuttunut Danmarkimiittunut allaanerusumik oqaatsitigut kulturikkullu tunuliaqutaqarneq qaavatigut immikkut unamminartuusinnaavoq inuunermi aqqutissap nassaariniarnerani.

’Uagut’  tassaavoq ingerlatsineq kalaallinut inuusuttunut naatsorsuussaq:

• Inuusuttut allat peqatigalugit nuannersunik misigisaqarusuttunut

• Ataatsimooqatigiiffimmi toqqissimanartumi imminnut misiligarusuttunut

• Angorsutat angunissaannut aqqutissarserusuttunut

Ukiup aappaata affap ingerlanerani inuusuttut 16-iniit 23-nut ukiullit peqataaffigissavaat tammaarsimaaqatigiinnerit arlaqartut aamma  sammisaqartitsinerit inooqatigiissutsimullu tunngatillugu aaqqissuussinerit, kiisalu mentorertaartinneqassallutik – ingerlatsineq tamaat ingiallortigisinnaasaminnik. Ingerlatsinermi pineqartumi toqqammaveqarluartutut misigineq – annaasimasinnaasartik - misileqqissavaat, pitsaasunik ilimagisaqarfigineqarlutik naapinneqassallutik kiisalu nukittuffimmikkut sanngiiffimmikkullu akuersaarneqassallutik.

Inuusutut ’Uagut’-mut peqataasut kissaatigisamik takorluukkamillu oqaasertalernissaannut taperserneqassapput, imminnut tunngatillugu anguniagassaliornissamut ikorfartorneqassallutik imminnullu naleqarluartunik toqqaanissaminnut kaammattorneqassallutik. ’Uagut’-mi inuusuttut imminnut naleqartinnerat annertusarneqassaaq assersuutigalugulu suliffissarsiornissamut ilinniakkamilluunniit qinnuteqarnissamut sapiissuseqalersinneqarlutillu iliuuseqarsinnaatitaalissallutik.

Suliniut ’Børnehjælpsdagen’ suleqatigalugu ingerlanneqarpoq, tassanilu tunngavigineqarpoq piginnaanernik inerisaalluni ingerlatseriaaseq EMPOWER4U. ’Uagut’ Isumaginninnermut Aqutsisoqarfimmit tapersigaavoq.