Kingornussat kingornusssarsiallu

Pigisatit nalillit siunissami kia iluaqutigilersinnaavai? Aamma pigisat nalillit kalaallit meerartaannik tapersersuinissamut atorusuppigit, aamma siunissami? Taava kingornussassanut allakkiornissat, tamakkiisumik ilaannakortumilluunniit Peqatigiiffik Kalaallit Meerartaannut tunniussaqarnissat, eqqarsaatigiuk. Suliap ingerlanera tamaat inatsisit malillugit uppernarsaammik allakkiornissarnik (testamentiliornissarnik) advokatitta akeqanngitsumik sullisissavaatit. Kinngornussassanut allakkiat, nammineq qitornaqaraluaruvilluunniit, qitornassaqaraluaruilluunniit imaluunniit qitornaqanngikkaluaruit, iluaqutaasinnaapput. 

“Kingornussassanut allakkiaq atorlugu pigisatit nalillit allanngueqataasinnaapput, nuannaartitsisinnaallutik aammalu meeqqat atugarliortut siunissami pitsaanerusumik inuuneqalernissaannik ikiuutaasinnaallutik …” 

Qanoq iliorluni kingornussassanut allakkiortoqarsinnaava?

Peqatigiiffik Kalaallit Meerartaannut iluaqutaasussamik kingornussassanut allakkiorusukkuit, taava advokaterput Peter Sindal Lundsberg aqqutigalugu akeqanngitsumik taamaaliorsinnaavutit, oqarasuaat: (+45) 3311 3636 imaluunniit e-mail psl@petersindal.dk saaffigalugit. 

Eqqaamajuk: Kingornussassanut allakkiat allanngortissinnaajuaannarpat. 

Peqatigiiffik Kalaallit Meerartaat Det Gode Testamente-mut (Kingornussassiineq Pitsaasoq) ilaasortavoq, ilaasortat katillutik 31-iupput, taakkuullutik suliniaqatigiiffiit ajunngitsuliornermik siunertallit. Aamma takuuk Det Gode Testamente.