Persuttaasarnermik pitsaaliuineq atuartitsissutitut

TASSA! - Nammaleqaaq!

Angerlarsimaffimmi persuttaasoqarneranik-  meeqqat akuuffigisaannik – suliat Kalaallit Nunaanni amerliartorput. Imaappoq meeqqat inuusuttullu amerlanerit angerlarsimaffimminni persuttaasoqarneranik misigisaqartarput. Ilutigisaanik inuusuttut akornanni persuttaasarnerit 2019-imiit 2020-mut marloriaammik annertuseriarput.

Ilinniartitsineq aqqutigalugu Kalaallit Meerartaat inuusuttut akornanni persuttaasarneq pitsaaliorniarlugu annikillisarniarlugulu suliniuteqarput, iliuuseqarsinnaanermut periarfissat pillugit ilisimasaqalersinnerisigut peqqinnartunillu ataatsimoorfeqalernissaannut tapersersornerisigut. Inuusuttut persuttaanermik qanimut misigisaqartartut taamaalisinnaasulluunnit anguniarneranni meeqqat atuarfiat qitiuvoq. Ukiup ingerlanerani ulluni atuarfiusuni pingasuni angajullerni atuartut periusissaminnik tigussaasunik assigiinngitsunik ilinniartinneqarlutillu sungiusarneqartarput, tamarmik persuttaasarnerup tununnissaanut sakkussinneqarlutik allatut periuseqalernissaannik siunertaqartut.

Suliniut taaguuteqarpoq Tassa! (Naammaleqaaq!) ukiullu marlungajaat ingerlareerluni. Ilinniartitsinermik ingerlatsinissat atortussiallu uaniipput: www.tassa.gl kikkunnilluunniillu atorneqarsinnaallutik.   

Atortussiat uku qanimut suleqatigiinnerisigut suliarineqarput: PiSiu, Isumaginninnermut Aqutsisoqarfik, Qeqqata Kommuniani atuarfinnut siunnersortit, Nuummi Nuussuaq Atuarfiani ilinniartitsisut, Ilinniartitaanermut Aqutsisoqarfik kiisalu persuttaasarnermik pitsaaliuinermik suliaqartut arlallit. Peqataasut tamarmik ilisimasaminnik tapiissuteqarlutillu atortussiat pitsaassusaannik qularnaarinissamut peqataapput.  

2022-mi ukiakkut atuarfinni toqqakkani arfineq-marlunni misiliilluni ingerlatsinerit aappaat ingerlapparput, ukunani: Tasiilaq, Maniitsoq, Nanortalik, Kullorsuaq, Qasigiannguit (meeqqat atuarfianni efterskolimilu) aamma Nuummi ASK-imi.  

Ilinniartitsinermik ingerlatsinerup Kalaallit Nunaanni atuarfinni tamani atuutsilernissaa qilanaaraarput.