Suliniutissap sullissinerup pitsaanerulernera qulakkiissavaa
Naalakkersuisut SSA-mi sillimmatit isumaqatigiinniutigineri naammasseqqammerpaat. Sullissinerup pitsanngorsarnissaanut sulianullu meeqqanut tunngasunut 7,8 mio. kr. illikartinneqarsimapput. 4,4 mio. kr. suleqatigiinnut siunnersuisussanut illikartinneqarput, Kalaallit Meerartaat-nit pilersinneqartussatut.
”Ukiuni kingullerni kalaallit meerartaasa Danmarkimi najugaqartut inissinneqartarneri annertuumik pisariaqaqisumillu isiginiarneqartarsimavoq. Taamaammat kalaallit Danmarkimi ilaqutariit pitsaanerusumik sullinneqartalernissaannut suliniummik nutaamik aallartitsinissarput qilanaaraarput”, oqarpoq generalsekretær Puk Draiby nangillunilu:
”Qilanaarpugut annertunerusumik sullissinissatsinnut, kommunit ilisimasanik kalaallit meerartaannut, inuusuttunut ilaqutariinnullu tunngasunik pisariaqartinneqartunik qulakkeerinninnissatsinnut pitsaasumik sullinneqarnissaat tunaartaralugu. Kalaallit Meerartaat ukiorpassuarni piffini inuttut suliassani illersuisutut inissisimasarsimavoq, kiisalu kulturikkut nutserisutut, taamaammat nalunngilarput kommunini kalaallit nunaanni pissutsinut ilisimasaqarnerup annertunerunissaa pisariaqartinneqaqisoq. Ukiuni pingasuni nutaamik aningaasaliinikkut nuna tamakkerlugu suliniuteqarneq ineriartortillugulu ingerlassinnaavarput, amerlanerusunit iluaqutigineqartussamik.
Suleqatigiit siunnersuisartut sullissisunullu ilisimasanik ingerlatitseqqinneq
Suliniutissaq 2025-ip tungaanut aningaasalerneqarallarpoq marloqiusaasussaassallunilu – kalaallinik kalaallit nunaanillu ilisimasalinnik sullissisunik siunnersuisartut, sullissisunut meeqqanik inissiinerni siunnersuisartussat kiisalu ilisimasaqarnerunissamik suliniuteqarneq, kommunini sullissisunik ikorfartuisussaq inissiisoqalernermi suliassat tungaasigut aammali kalaallinik ilaqutariinnik ajornartorsiortunik pinaveersaartitsinermik pitsanngorsaasussaq.
”Siunnersuisartut qallunaat nunaanni kommunini sullissisut inissiisoqalersillugu siunnersortarsinnaavaat, kommunillu kalaallit nunaanni pissutsinik kulturimullu tunngasunik naliginnaasunik ilisimatittassallugit. Siunnersuisartut sulianik ilisimasaqartunik kalaallit kulturiannik oqaasiinillu immikkut ittumik ilisimasalinnik inuttaqassaaq. Qallunaat nunaanni kommunit suliassamik tigusigaangamik, kommunit Kalaallit Meerartaat attavigisinnaasassavaat kalaallit nunaanni pissutsinik kulturimillu ilisimasanik siunnersuisussatut.”, nassuiaavoq Puk Draiby.
Meeqqat kalaallit nunaannik tunuliaqutillit qallunaat kommuniini inissinneqarsimasut pillugit nalunaarusiaq
Nalunaarusiap Vive-minngaaneersup tikkuarpaa sullissisut kalaallillu angajoqqaat akornanni suleqatigiinneq unamminartoqartoq.
Suleqatigiinnerup pitsaanngitsup takutissinnaavaa pinaveersaartitsinermut suliniutit, inissiinnerup siuliani ingerlanneqakkajuttut, iluatsippallaarneq ajortut. Tamanna inissiinngitsoornernik kinguneqartussaassagaluarpoq.
Uani Vive-p nalunaarusiaa atuaruk.