Nuan – ilaqutariinnut tamarmiusunut suliniut

Ilaqutariinnut kalaallinut Danmarkimiittunut

Naak kalaallit Danmarkimiittut amerlaqisut ingerlalluaraluartut, suli amerlavallaat ingerlanerliorput. Misissuinerit takutippaat taakku innuttaasunut allanut naleqqiullugit suliffissaaleqillutik, isertitakillutik, atornerluillutik il.il. inuuneqarnissamut malunnaatilimmik annertunerusumik ulorianartorsiornerusut. Danmarkimi meeqqanut allanut naleqqiullugu kalaallit meeqqat arfineq-marloriaammik amerlanerit angerlarsimaffimmik avataanut inissitaasarput. Meeqqallu kalaallit Danmarkimi meeqqanut allanut naleqqiullugit pingasoriaammik annertunerusumik pisortanit ikiorserneqartarput. Imaappoq ilaqutariit kalaallit Danmarkimi pitsaanerusumik inuuneqarnissaannut tapersersornissaat pisariaqartinneqarpoq.

’Nuan’ aqqutigalugu sulisugut immikkut ilinniagallit aamma namminneq kajumissutsimikkut sulisut ilaqutariit inuunerat tamaat tapersersorniarlugu suliniuteqartarput, meeqqat immikkut isiginiarlugit. Angajoqqaat angajoqqaajuneq pillugu ilitsersorneqartarput, angajoqqaallu pisortanik atuarfimmillu naapitsineranni tapersersortarpagut ilaqutariinnullu ullorititanik aaqqissuussisarluta, attaveqatigiiffinnik patajaatsunik pilersitsiffiusunik. Aammattaarli meeraannarnut sammisassaqartitsisarpugut, pinnguarlutik nuannisarfigisinnaasaannik, ulluinnarisaminnillu allaanerusaumik misigisaqarfigisinnaasaannik. Ilaqutariinnut qanimut attaveqarneq meeqqallu ilisarisimallualernerat, tatigeqatigiinnerup pilersinnissaanut aamma ilaqutariit meeqqallu pisariaqartitaasigut naaperiarnissaannut pingaaruteqarluinnarput.

’Nuan’ Aalborgimi, Aarhusimi, Esbjergimi, Vejle-mi Københavnimilu neqeroorutaavoq, Danmarkimi Isumaginninnermut Aqutsisoqarfimmit / Isumaginninnermut Utoqqarnullu Ministeeriaqarfimmit tapiiffigineqartarluni.