’Ikioqatigiinneq’ sumiiffinni ataasiakkaani sulinermik patajaallisaavoq

Ikioqatigiinneq’ inerisarneqassaaq sumiiffinnilu ataasiakkaani neqeroorutigineqarluni

2014-imiit Kalaallit Meerartaat Kalaallit Nunaata avannaaniit Kujataanut, Kitaani Kangianilu, aasarsiortitsisarpoq. Tamatumunnga kinguneraa kommunini sumiiffinnilu ataasiakkaani suliffeqarfinnik peqatigiiffinnillu suleqatitaartorneq – minnerunngitsumillu sumiiffinni ataasiakkaani namminneq kajumissutsimikkut sulisunik suleqateqarnitta ersersippaa,  suliamut tunniussimassusiisa suliniut nikeriartissinnaagaat, manna suliniutaasutut sunniuteqarneraniit ataavartumik pitsaasumillu sunniuteqartussanngorlugu. Misilittagaalersut taakku kingunerisaannik suliniut ’Ikioqatigiinneq’ aallartinneqarpoq. 

’ikioqatigiinneq’ aqqutigalugu kissaatigaarput: 

• Sumiiffinni ataasiakkaani namminneq kajumissutsimikkut sulisut kaammattornissaat, ilaqutariinnut, meeqqanut inuusuttunullu ukioq kaajallallugu sammisaqartitsisarnissanut siuttuunissaannut 

• Sumiiffinni ataasiakkaani namminneq kajumissutsimikkut sulisut sulineranni tapersersornissaat aamma illoqarfimminni nunaqarfimminniluunniit meeqqat inuusuttullu toqqissisimasumik, pitsaasumik ineriartuutaasumillu inuuneqarnissaannut tapersersuinissaannik kaammattornissaat. 

• Ataatsimooqatigiiffiit inuttullu sammisassaqatigiinnerit aqqutigalugit iliuuseqarsinnaassutsimik periarfissanillu pilersitsinissaq – sumiiffinni ataasiakkaani suussusilerneqarlutillu, inerisarneqarlutillu ingerlanneqartut aqqutigalugit. 

’Ikioqatigiinneq’ sumiiffinni ataasiakkaani inuiaqatigiinni pisariaqartitsineq aallaavigalugu ineriartortarpoq, sumiiffinni ataasiakkaani inuiaqatigiinnit namminnerlu kajumissutsimikkut sulisunit ingerlanneqarluni aamma sammisaqartitsinernik suliniutinillu pilersitsisarluni – minnerunngitsumik meeqqanut, inuusuttunut ilaqutariinnullu atugarliortunut ingerlalluarnermik pilersitsissutaasunik. ’Ikioqatigiinneq’ inerisarneqarpoq SOS Børnebyerne suleqatigalugu, 2023-milu aallartinneqarluni, aallaqqaammut Nanortalimmi Kullorsuarmilu.

Ikioqatigiinneq SOS Børnebyerne suleqatigalugu ingerlanneqarpoq Nordea-fondenimiillu tapersersorneqarluni